Seer se 24-uur

Soos pyn deur sonlig dring,
waai winterwolke voor jou vensters in
en druppels twyfel rol rakelings
by jou stil stem verby.

Soos sonlig deur seerkry sny
word winterwolke ‘n warm wolkombers,
en ‘n spieel weerkaats tartend
‘n stillewe van gister.

Soos laatmiddagson se hitte broei,
word winterwolke skadus van die nag,
en maanlig dartel klankloos lig
deur die digte mis.

Soos oggendson deur skadus breek
word winterwolke weggesmelt,
en seer word toegedraai
in môrestond.