Skryf My Naam
SKRYF MY NAAM
Skryf my naam in die stof op jou boekrak.
Los vir my ‘n nota in ABC-Noodels van jou sop wat prut.
Maak my die stadige aanraak in jou Slowdance.
Laat my gebore word in die vlam en vuur van ‘n PasoDoble.
Stem my die rou akkoord van ‘n smeulende kitaar.
Laat my die neuriewoorde wees van ‘n saamsing-liedjie op die radio.
Soek my iewerster in die stukkie uitgeskeerde bladsy van ‘n ou dagboek.
En steek my weg in die weerlose joernaal van jou hart. Of.
Of sag in die nes van n Fairyflycatcher.
Kyk mooi na jouself, liewe Bokkie my babie; en mag jy vandag die tower-penveer van ‘n rêrige engel binne-in jou hart optel.
2 Kommentare
Maak 'n opvolg-bydrae
Jy moet aangemeld wees om 'n kommentaar te plaas.
Boetiegoed
Liza, dit is sielsdiep en baie mooi!