somer (Goud)

die son los die aarde stadig

en bemors die horison

met ‘n oordaad oggendstond

ek pepa die dagbreek baldadig

dag-in     die somerson

vloei soos goud uit my wye mond

ek ruik weer arikaners

oopgevlek in my kinderhand

en deur my somer-palms verwond

ek onthou my pa se rotstuin

my ma se kanna bedding daarnaas

maar die gelukkigekindreuk

van ‘n gekneusde afrikanerblom

bly vir my steeds so somer soos kan kom

© Elmarie Nienaber Van Kampen, 2025

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag