sprankel

 

 

uit tortelduif se melodie

kransduif se ewige gebrom

kolganse se besoek op my dak

verdwyn die mistroostigheid

van bewolke hemeltrans

 

dankbare onverstoorde

asemteue van vars seelug

suiwer my gemoed en streel

my siel in Sy heerlikheid

wat my deurdring

 

wat sprankelende gedagtes

verwoord in onfeilbare werklikheid

van onverklaarbare genadegawes

onmeetbare liefdesgebare

en Sy ewige hoop

 

Ó Tearlach.