Die Son Loop Weg
Die son loop soos ‘n boud swaai danser
oor die randjie na die nag toe weg
en skud die goud-geel skilfers op sy dag se oorjas
by die oorloop van die plaasdam af.
Ek fluit en roep die son se straalskaaphonde
om sy wegloop by die groot hek op die randjie stop te sit…
repe goud sonvingers lê gevlek teen die randjie
terwyl die donker die dag wegsleep
om plek te maak vir nag.
Louie
Gebore by die see, verlief geraak op die berge / platteland en woon nou in die Vrystaat saam met my vrou Charmaine en 11 maande dogter Katelyn. Was deel van WOES se eerste bundle uitgawe van 2008 onder my tweede naam Gerhard. Vroeg "afgetreë" en hou myself besig met my "kunswerke". Werk ook deeltyds aan my eerste digbundel. Alle hulp en raad sal goud werd wees ...Ag en dan die legal ding: alle regte word voorbehou op geplaaste werke
4 Kommentare
-
-
Louie
Dankie almal - sal prober skuif - leer nog die ins and outs
-
-
Kiekies
Puik. Wil jy dit nie skuif na die afdeling vir gedigte nie?
-
Anze
sjoe dis pragtig!!! Soos Kiekies se.. gaan wysig asb en skuif oor na die "Gedigte" afdeling asb
Maak 'n opvolg-bydrae
Jy moet aangemeld wees om 'n kommentaar te plaas.
neels claasen
Pragtig geskryf