Tien is nie heilig nie (Opdrag 3)
in die Groot Woord maak drie ‘n Eenheid
en groei met skeppingglorie tot sewe selfs perfek
twaalf is voltallig
soos dissipels en stammebloed
wyl vyf in brood- en visse-wonders voed
maar tiene kom in maagde
en melaatses se siek
takspersentasies en die Dekaloog
nes bedryfstatistiek
tien toor die lewe in geld en in jare
mens leer ook nooit die tafels nie
nulle las voor jy weer sien
vlieg tyd in eeue
met die mag van die mag van tien
flip die lewe wel dekades
en ‘n huwelik werk herdenking vonnis
verloop tien teen een
soos somme skuif ‘n komma
desimeer dekadeer
weer tot ‘n ronde koele geen
© Charleine Collins
(“Drie wel, en sewe en twaalf, selfs vyf – visse en brood en dissipels, maar met tien maak jy somme.” Uit: Winterreis – drie vertellinge. Henriette Grové. p. 20)
5 Kommentare
-
Loretta Szikra
Sjoe, goeie werk Charleine.
-
Anze
Pragtig, dankie vir jou deelname aan die Pendoring 2 / INK kompetisie
-
Callie Vermeulen
Pragtige gedig Charleine.
-
Elroux
'n Baie mooi gedig Charleine
Maak 'n opvolg-bydrae
Jy moet aangemeld wees om 'n kommentaar te plaas.
Viooltjie
Goeie werk, Charleine 😊