vars

 

 

broos lyk

ontwakende roos

groen stingel se bloos

doudruppel van nuwe lewe

skugter ontwakende oog

 

gister was jy nog klein

onwerklike metamorfose

kruip jy met kroonblare

uit jou knoppie en tooi

wêreld om jou rooi

 

onskuld in oë

wat nog ontdek

wêreld se winkende

prag maar ook sy drek

wat oos na wes strek

 

my wense

vir jou – geluk

vrede op jou reis

na wat môre mag bring

goeie of slegte dae

 

mag jou reis

fenominaal wees

fantasieë verwesentlik

droomkastele bou

wat jy onthou

 

mag jou voetstappe

weerklink op wye paaie

waar diep spore rus

vore laat in rotse

in eeue gesus

 

mag jou oë

ook nuwe ogies sien

wat opkyk en wil leer

van waar hul kom

in jou ouderdom

 

Ó Tearlach.