Wagkamerboeke

in wagkamers opgekrul
lê ontspannings lektuur
waarin benoude hande
uitweë soek

in reguit hout rakke
vervat in leer omslae
word skyn wysheid uitgestal
beskikbaar teen ń prys

in blink elektroniese portale
uitgepak in onbeperkte genre
vir ongehinderd luister
met witgeruis*

in lendelam rakke
uitgestal in muf huise
lê gister se boeke
almiskie ń gedig

en reghoekig op my tafeltjie
lê môre se voorneme
vir verandering
ook vervat in ń boek

in rakke orals
staan boeke soldaat
reg vir ou en jonk
almal ongelees

*Term: witruis
Term: eweredige toevallige ruis
Verwante woorde: witruis
Engels: flat uniform spectrum random noise, white noise

Tweetalige Engels – Afrikaans Terminologielys (ouer)