WEER GAAN RY VANDAG
Ek het weer gaan ry vandag
tot by die dam waar die oggendmis
sy wit mis deksel op die plaasdam se pot geseël het
Ek het weer gaan ry
en gaan kyk waar laasweek se kapok
in die skadu van die kranse berggras kweek
Ek het weer gaan ry vandag
en gestop by die seeskulp kranse
waar die skape wagstaan
by die laaste strale van die son
Ek het weer gery
tot by die dassies op die klip stoofplate
om te kyk hoe hulle laatmiddag
die nag gaan groet
Ek het weer gaan ry vandag
gery tot by die plaashek
waar ek elke aand vir jou bly wag
Louie
Gebore by die see, verlief geraak op die berge / platteland en woon nou in die Vrystaat saam met my vrou Charmaine en 11 maande dogter Katelyn. Was deel van WOES se eerste bundle uitgawe van 2008 onder my tweede naam Gerhard. Vroeg "afgetreë" en hou myself besig met my "kunswerke". Werk ook deeltyds aan my eerste digbundel. Alle hulp en raad sal goud werd wees ...Ag en dan die legal ding: alle regte word voorbehou op geplaaste werke
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
sjoe dis net iemand wat ook so lief vir die natuur is soos ek wat dit so mooi kan vasvang, ek het heerlik saam met jou gery!!!