Wonderboom van Leisure Bay – Brons

Wonderboom van Leisure Bay

Jou takke fluister jou storie
saam branders bruisend se lied
al juigend gesing deur die wind
volmaakte koorsang van ‘n storie
vir my… steeds onbekend

jou vaalwit wortels klou desperaat
tussen geelbruin rotsformaat
jou lyf staan vas… so peraat
soos ‘n standbeeld opgerig as huldeblyk
vir ‘n goeie daad

so verlate… so alleen gelaat
waar lê die onbekende lyne van jou storie
wonderboom van hierdie strand

©Magda van der Walt

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag