ñ Daizy en grassaad vir ma

‘n Daisy en ‘n grassaad vir Ma

 

Vandat ek haar kan onthou,

was dit wat klein is

groot vir haar.

 

Goeie tafelmaniere

is meer werd

as beloftes

oor al die mooi.

 

Geld was nog altyd

vir haar ‘n groot gevaar.

“Dit slaap koud,”

kan ek steeds

haar woorde onthou.

 

“Jou beste is genoeg

vir Ma.”

Al struikel jy soms,

weet haar hart

hoe om haar kinders

te bewaar.

 

Van rose hou sy wel,

maar gee vir haar

‘n Daisy

en ‘n grassaad,

en dalk sommer ook

net ‘n suurlemoen.

 

Dan is my liewe Ma

se dag gemaak.

 

©️ Ryno du Plessis 2026