Woordeloos
Waar ons vanaand hier
op die klam sand sit
in woordelose verbasing
staar na die maan
wat die swart see
met goue glimmers verlig
Luister ons in stilte
hoe die wind haar naglied
oor en oor sing
wyl ons toekyk hoe die see
kieskeurig uitspoeg
en weer vat wat sy wil.
Soos branders ritmies
heen en weer
teen die strand kom klop
en golwe onstuimig
teen die rotse vas skop
voel ek hoe die sterre
deur my verhemelte loer
as ek sien hoe die maan
skakerings van kobalt, goud en silwer
geniepsig met haar tone
die donker dieptes inroer…
4 Kommentare
-
Barbara
Bitter mooi!
-
Loretta Szikra
Baie dankie Barbara - ek waardeer jou inloer baie.
-
-
Palet
Baie mooi
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die April ope afdeling projek