Woordeloos verloof

Dit was ‘n Sondagoggend op ‘n skulpiestrand in Seepunt
toe jou tong in jou mond gestol het
toe huiwering rooi oor jou wange gekruip het
en die see onseker om ons voete gekolk het

Maar ‘n ander Sondag op die Seepuntpromenade
lag ons kinders oopmond op die swaaie
hul wange is gloeiend genot in die wind
Liefste, kyk hoe trots swel die branders
kyk, die see is skoon speels
Is dit vir jou ook of herinnering baldadig
wil bokspring terug na die keer

toe jou tong in jou mond gestol het
toe huiwering rooi oor jou wange gespoel het
en ek kon hoor, soos ‘n skulp teen my oor,
die ruisende verklaring van oneindig oseane
©Marieta McGrath

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag