Kortverhaal [vir Johan]

Eendag lank, lank gelede…

het ‘n draak hom ingesluk

en die dood was beter in stede

van die lyding van die lewe wat misluk

niemand het sy binnelandskap geken

as hy lepelgelê het in die nag

met sy gedagtes wat bereken

hoe om sonder faal sy slot te vermag

ons sal wonder of hy nog iets wou sê

of ons deur dit sy stryd sou kon bepaal

maar sy woorde was buite bereik binne hom verlê

en sy sprokie word n kortverhaal

toe hy daardie dag besluit:

fluit-fluit my storie is uit