STORMWATER
Stormwater
BRONS
Krag word teen krag getoets,
die een breek, die ander keer.
Waarom maak een mens
‘n ander een so seer?
Dolosse het ek om my gepak.
Die branders kan maar breek.
My dolosse se brute krag
sal my storm wreek.
Maar dan kom’ n tsunami
en selfs die dolosse spoel weg.
Nou moet ek alleen
teen die storms veg.
Ons behoort vir mekaar
soos dolosse te wees,
nie net om te beskerm,
maar ook om te genees.
Dolosse lê nou deurmekaar
en bied geen beskerming meer
en ek, wat anders kan ek doen
as om te verdrink in my eie seer.
©️HENN
2 Kommentare
-
Fanus Strydom
Baie diep...baie hartseer...baie mooi. Welgedaan ou maat!
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou bydrae vir Februarie 2024 - Dolos projek