woestynreën (goud)

woestynreën

’n brandende begeerte skroei verassend
met diepe versugting na onverdiende seën
om desperaatheid wat volkome verswelg
stadig liefdadig weg te reën

lig en lekker loop hand aan hand
as ’n syferfontein helder skyn
en met blymoedigheid in harte geplant
samba siele saam en onrus kwyn

van stof tot modder, vrees tot fees
kom asem maklik in en gaan langsaam uit
met dansende voete oor bedorwe grond
sal troos alle kommer stuit

oë wat dankiebly oor bont veld baljaar
laat knieë knak en hoofde eerbiedig buig
’n kaleidoskoop van kunstige kleure
laat als wat leef oor die skoonheid getuig

*verassend: so warm dit verkool

© Hester Steenkamp

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag