my Afrikaans…(Goud)

ek bring vir jou verse, ek dig vir jou

 

in die diep skadu van die groot geeste

…Fagan en Langenhoven

Leipoldt, Marais, et al…

doen ek my deel

 

my stem weergalm in die gange

van jou geskiedenis én toekoms

al is ek niemand van belang

 

ek stap die pad oop vir my nageslag

met my Afrikaner voete     en

met my Afrikaanse stem

 

saam met my mede-Afrikaners

breek ek die kettings waarmee jy vasgebind word

ons práát jou los…dig jou los

ons ontweef die knellende bande

met ons prosa en ons verhale

ons sing vir jou wiegverse

wat boeie laat val

 

vir jou, my Afrikaans, dra ek met trots

as kroon op my blink hoof

 

© Elmarie Nienaber Van Kampen, 2026