my Afrikaans…(Goud)

ek bring vir jou verse, ek dig vir jou

in die diep skadu van die groot geeste

…Fagan en Langenhoven

Leipoldt, Marais, et al…

probeer ek my bes

my stem weergalm in die gange

van jou geskiedenis én toekoms

al is ek niemand van belang

ek stap die pad oop vir my nageslag

met my Afrikaner voete     en

met my Afrikaanse stem

saam met my mede-Afrikaners

breek ek die kettings waarmee jy vasgebind word

ons práát jou los…dig jou los

ons ontweef die knellende bande

met ons prosa en ons verhale

ons sing vir jou wiegverse

wat boeie laat val

vir jou, my Afrikaans, dra ek met trots

as kroon op my blink hoof

© Elmarie Nienaber Van Kampen, 2026

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag