Aanlyn-profeet

Aanlyn-profeet

Jy weet meer as Wikipedia
die aap is uit die mou
op sosiale media
plant jy die beter hou

Jou intro weet al lankal
– wat die meeste nie verstaan . . . –
dan vloei jou dieper insig
soos water uit ‘n kraan

Dit waarmee bleek sterflinge stoei
het jy lankal uitgeklaar
die antwoorde wat in jou broei
is ‘n edele gebaar

maar die plig tot raad oorskrei jou baan
al word dit nie gevra nie
en word dit in die wind geslaan
kan jy dit nie verstaan nie

tot die krap-krap van jou credo
jou relevansie erodeer
en die radar van jou volgers
jou seine ignoreer

-cs-sept-2023-

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag