Vriendskap onbeperk (opdrag 3)
Al sou klanke oor ons lippe sterf
sal naguiltjies nog aanhou roep –
hulle biddend lied sal grensloos swerf
oor die laagland van jou vlaktes
tot by die hoogland van my stoep.
*
Ek sien jou staan in skemer lig
midde gras waarvan die pluime blink.
Met jou arm hoog na bo gehou
(jou hand geëts teen die laaste blou)
wis ek dat jy woord’loos na my wink.
En ons loop waar ou riviere loop
deur donker skadu’s en ’n diep vallei
tot waar ons naas mekaar kan sit –
om te staar deur elke duister nag
na daardie oostelike vergesig
wat rooigranaat in die môrelig.
*
Want soos sonskyn teenoor maanskyn staan
bly ons genote sonder stryd of waan…
en mag immer dan ons stiltes spreek
dat vriendskap verby grense breek.
© Carma Shaw
26 Julie 2018
9:42
* “Hulle bly teenoor mekaar sit, sonder woorde.”
Aanhaling uit: “drie vroue en ’n meisie” deur Hans du Plessis
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
14 Kommentare
-
-
Viooltjie
Baie dankie, Anze 😊
-
-
Denise van Rensburg
Jinne...hoendervelmooi
-
Viooltjie
Groot waardering, Denise :-)
-
-
Callie Vermeulen
Woordloos mooi Carma! Besonderse gedig.
-
Viooltjie
Ek waardeer, baie dankie, Callie
-
-
Elroux
So 'n lieflike gedig Carma
-
Viooltjie
Baie dankie, Elroux 😃
-
-
Ryno Rossouw
Uitstekend geskryf, Carma! Wow
-
Viooltjie
Groot dankie, Ryno. Ek waardeer 😊
-
-
Loretta Szikra
Ja wraggies, weereens n pragtige gedig Carma.
-
Viooltjie
Ek waardeer, dankie, Loretta
-
-
Estelle
Pragtige beelde wat jy skep!
-
Viooltjie
Groot dankie, Estelle 😃
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou deelname aan die Pendoring 2 / INK kompetisie