Afrikaans is ons DNA

Afrikaans is ons DNA

geskiedenis van ons land, taal en kultuur

kombers ons toe met soveel herinneringe

maar vir die voortbestaan hiervan

moet ons Afrikanerkinders daarvan leer

weet hul nie waar hulle vandaan kom

wie, waar en hoe die voetspore van gister

getrap is, waardeur voorgeslagte is

kan hulle nie weet waarheen hulle op pad is nie

Ink Skryf In Afrikaans die bloudruk van ons taalgene

veg vir sy taal, sy kultuur, sy kerk en sy volk

moet die spore trap vir die nageslag wat volg

die grondslag lê vir die toekoms wat wag

hys die vlag, sing liedere, trek saam

praat, lees, skryf, bid en lag in Afrikaans

kom skrywers en digters laat julle ink vloei

sodat ons taal kan herleef, voortleef … oorleef

kom as volk bymekaar en span kragte saam

praat trots suiwer Afrikaans

poets elke woord silwerblink

laat Afrikaans tongtippie borrel en bruis

Afrikaans se DNA is vasgevang in ons bloed

klop polsend in ons hart en are

Afrikaans jy is ons taalrots waarop ons trots bou

van kombuistaal tot reus wat bo ander uittroon

hou vol om Afrikaans in beeldspraak en metafoor

te vereer, met digheuning te kwas en te skilder

literêre klanke, ritme, harmonie en melodieë

Afrikaans my taal, my trots, my toekoms … my tuiskoms

@Linda du Plessis 2023