
Angsroep oor die vallei
Die roep van die hadida
eggo deur die stilte van die skemer
‘n oorweldigende klank
‘n troostelose verlange
Die pad is vêr
die pad weg van die stad
na ‘n plek tussen mentgroen bome
waar strepies wolke,
laggend in die lug hang
Wanneer die wind saggies
deur sy vere waai
en sproeireën oor die vlaktes dans
sit die hadida rustig in sy glorieryke boom
Weergalm weer en weer
in die wind, in die nag
skryf hy sy eie treurlied woorde
van diepe verlange akkoorde
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Jy het reeds 2 gedigte geplaas vir die maand projek. Pragtig gedoen hier