die padda (BRONS)

die padda

die meisies lyk verskik en gil
waar hulle bang bewe in die klas
want die stoute Jannie wil
met sy troeteldier spog as die gas

ou juffrou Nel lyk doodbenoud
vandag sal sy boude moet slaan
dreig is nou haar een behoud
oor die flater wat Jannie begaan

want hy dink hy doen goed
dit is mos beter as sy mak slang
hy pluk so ewe die padda uit die hoed
onbeplan maak hy nou almal bang

juffrou het dan so ewe mooi gevra
bring ʼn troeteldier saam wat jy kan dra

©Marlene Erasmus
23/03/2021

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag