As ek jou gedagtes kon kruis
as ek vir ʼn oomblik
jou gedagtes kon kruis
was my lewe die moeite werd
as ek vir ʼn oomblik
jou voetspore kon vul
was genade my gegun
as ek jou hart kon voel
en son kon laat blom
en ons asems gee vir die mooi
ja, as ek ons flenters kon lap
sonder dat lewe daaraan tap
is dit kosbaar…
so kosbaar sonder vrae
as ek vir ʼn oomblik
jou voetloop kon loop
© Cornien Naudé
2024
Cornien
Om te skryf is my passie, vir 'n wyle ontvlug ek die gejaag. Kry ek 'n oomblik om te voel, te sien en weer te gee, skepping, harts taal - beleef ek die inner siel van my medemens.
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou bydrae vir Julie 2024 – OOP projek