Bloedmaan-Karoo
op ’n ander Karoonag
het die maan bloed gebloei;
roes het haar wang
in die donker gegloei
wat is dit dan
aan die maan en haar lig –
sy heel jou, sy breek jou
sy word ’n gedig
wat binne jou sluimer
en wag op ’n woord
wat jou siel met jou sinne
laat rym en akkoord
© Carma Shaw
27 Julie 2020
16:26
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
Maak 'n opvolg-bydrae
Jy moet aangemeld wees om 'n kommentaar te plaas.