Boetedoening
Drogbeeld sweet nagmerries
deur jou skimme binnegedring
het die heel laaste gryntjie
lewe uit haar siel gewring
Demone in jou hart
en siek siel versteek
was totaal onsuksesvol
om haar geloof te breek
In jou doolhoof verstand
waar ‘n duiwelskers brand
glo gedrogte gruwel en grou
leuens wat jou eie lippe bou
Maar die boetedoening kom –
wanneer jou naam getrek word
geen grasie dan vir wanspraak
te laat om jammer-traan te stort
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
7 Kommentare
-
neels
Evelyn dit is so waar. As ons die einde van hierdie aardse pad bereik het moet ons voor die Allerhoogste antwoord vir ons dade, baie van hulle sal die agtergeblewenis nie eers weet van nie.
-
Evelyn van der Merwe
Dankie vir die kommentaar, waardeer julle altyd.
-
Koekekranka
Goeiste dierbare mensie, maar hier het jy mos diep gaan uithaal! 'n Besonderse werkie en baie geluk daarmee. Sal my die hele naweek bybly glo my!
-
Evelyn van der Merwe
Dankie vir jou inloer, saamlees en goue woorde, ek waardeer.
-
-
-
Viooltjie
sterk gedig, Evelyn. goed gedoen :-)
-
Evelyn van der Merwe
Dankie vir jou gereelde saamlees.
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
sjoe... diep ene hierdie ... maar waar en briljant gepen! (so sal elkeen sy eie boetedoening moet doen)