Bont spore

Bont spore

Somtyds word spore diep getrap, ander stap net verby.

Joune het stil kom staan, soos bont verfspore op ‘n spierwit mat.

Jy het verkies om ‘n duidelike merk te los wat vir altyd sal agterbly.

Elke tree wys ‘n stukkie van wie jy is.

Soms lag, soms huil, maar nooit wys daar ooit ‘n voet wat sleep nie.

Altyd reg om te beweeg.

Jou bont spore is soos ‘n skildery,

vol bloeisels en reënwolke van hoop, en ‘n voetpad na môre se hoop.

Sou jou spore eendag dalk woorde kon kry, word ‘n storie geskryf wat almal vir altyd sal onthou.

 

© Ryno du Plessis 2026