daaglikse brood

–
wanneer jou daaglikse brood
in krummels van iemand se tafel
moet afval om by jou te kom
–
mense wat net van aalmoese leef
mag hulle nog daarvan deel aan ander
sal dié wat goed is vir hul nog gee
–
die lewe is ‘n lied vir dié wat kan sing
die vals stemme staan maar en luister daarna
kyk sangers in die lewens koor na hulle
–
die regtige armes is dikwels maar plat
platgeslaan deur ‘n lewe van verspeelde geleenthede
platgeslaan in gees en verwagting ook
–
samaritane het menslikheid behou
ten spyte van hul sukses en relatiewe rykdom
selfs hulle kan nie al die armes voed
–
moet aalmoese aan armes dalk verander
dalk moet aalmoese armes help om self te versorg
armes dalk leer om self ‘n vissie te vang
–
dalk moet werkskepping deel word daarvan
die arme se selfwaarde weer opbou met klein suksesse
soos om self te verdien om kos te kan koop
–
dink aan jou Skepper in die dae van voorspoed
sodat jy nie dalk eendag van aalmoese moet bestaan
en dalk versink in ‘n plat waardelose lewe nie
–
©Teárlach