dans

dans

don’t say a word just dance with me, let the world outside disappear …what we got here, is all we need – Johnny Reid

dikwels wil ek vir jou ‘n gediggie skryf,
met woorde sagter as die minnedigter se droom…
soms wil ek jou net skilder,
in kleure van gelaatstint
blosend in my eie onvermoë…
dalk moet ek net een kort briefie
in die posbus van jou hart laat,
miskien net met een hartjie
of dalk twee…
maar eintlik wil ek net vir jou vertel
van my gedagtes
en die mooi in hul draai,
want vir jou wil ek wegvoer,
na tonele van sand
en see
en plekkies waar net ons twee,
vir ewig in geluk kan dans,
om, en om, en om
in mekaar se ware wees
©Anton Kilian