die liefde onthou (SILWER)
die liefde onthou
in die skemer sit ek en staar na die raam
laggend gesigte in sagte pastelwolke blou
hand-aan-hand waar ons lugkastele bou
reinwit in onskuld ons twee vredig saam
ek onthou hoe ons deur liefde verdoof
in helder kleure ons toekoms kon skilder
waar jy jou ewige trou aan my beloof
die besoeke word so ongesiens minder
vurig rooi ons liefde as die sterre skyn
soos water tuimel oor bruisend waterval
ry ons golwe van die lewe tot in doodsdal
daar waar ons sprokie in donker dal verdwyn
in die skemer sit ek en staar na die raam
die prentjie in koue grou grys kleure verkleur
wonder ek – wie dra die sware blaam
wyl ek in die dooie donker oor jou treur
©Marlene Erasmus
22/05/2022
5 Kommentare
-
Elizabeth
Bitter mooi Marlene!
-
Koos Elsum
Hierdie gedig is moeilik om ń ❤️ te gee dis so seer of is dit jammer? Hou van die herhaal vd eerste strofe in eerste en laaste versreëls, die gebruik van water ook treffend
-
Marlene Erasmus
Baie dankie ...
-
Marlene Erasmus
Dankie vir die meelewende saamlees ...
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Mei 2022 OOP projek