dobberende lawa

saam met golwe kom daar opdrifsels
uitgespoel op wit strande lê dit droog
belyn hoogwatermerke sover ek sien
dryf dobberende bruin waterplantlote

saam met busvragte oos kaapse ryers
kom kriminele elemente die strate vol
belyn grondgrype soos honger barbare
brand motorbande op swart teerstrate

kouefronte rig skade aan maar bring reën
vul damme en bring hoop aan landbouers
barbaarse politieke karnivore stook haat
dryf verwagtingsprofiele af tot in die vuur

©Teárlach