EK STUUR VIR JOU ‘N N (natuur) -POS BRIEFIE
Ek stuur vir jou ‘n n-pos briefie
goud getint met die son se oorskot skilfers
en die volmaan se oopbek lag
by my kamervenster in
Ek klik en stuur ‘n ja-woord toe die son my nooi
om te gaan kyk waar hy
homself in die nag se skadu’s
in die krake van die randjies bêre
Ek stuur vir jou ‘n n-pos briefie
met die dag se geleende uurglas in my hand
goudgeel refleksies
wat branderplank op die rippels
by die klipdam waters ry
Ek stuur vir jou ‘n n-pos briefie
moeg-lam agter stofpad dwarrelwinde aangedraf
om my n-pos briefie
op sy sandkorrel rug na jou te dra
Ek stuur vir jou ‘n n-pos briefie,
verpak in moerbyblare
met ‘n duiker voetspoorseël
en ‘n spinnerak valskerm
as die wind my n-pos briefie na jou dra
Louie
Gebore by die see, verlief geraak op die berge / platteland en woon nou in die Vrystaat saam met my vrou Charmaine en 11 maande dogter Katelyn. Was deel van WOES se eerste bundle uitgawe van 2008 onder my tweede naam Gerhard. Vroeg "afgetreë" en hou myself besig met my "kunswerke". Werk ook deeltyds aan my eerste digbundel. Alle hulp en raad sal goud werd wees ...Ag en dan die legal ding: alle regte word voorbehou op geplaaste werke
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
neels claasen
pragtig louie