Ek wou en ek sou

Wat ek sou sê as ek kon
Wat ek sou doen as my hande wou
Ek sou woorde loslaat op die wolke
Ek sou gedigte in die vrugbare grond plant en dit elke dag besorg

Ek sou praat oor dinge in my hart
Ek sou vrylik rondwaal sonder die intensie om te vind
Ek sou vreemde gedagtes gaan besoek en verken
Ek sou dinge probeer raak sien wat meer as die normale eienskappe beskik

Ek sou skryf van ‘n onperfekte lewe
Ek sou sing van sy perfekte kleure
Ek sal dit aandagtig beskou sonder om dit aan te raak

Die mens se grootste siekte
Ons word miere besig om aan môre te bou
Ons besige gesprekte word blindelings verdoof
Deur nuus se opskrifte wat koerante laat verkoop

Ek sou kwaad raak oor onware feite
Ek sodie mooi gaan soek as ek net bietjie kon tyd maak
Ek sou…….ek wou so na aan mekaar
Verward is harte wat soek na sy perfekte laaste paar jaar

Wat sal jy doen as jy dit kry
Die roem en rykdom waarvoor jy teen hemele stry
Wat gebeur as jy met die wonderwerke in boeie jou self bevry
Daar waar jy die groter harts waarhede vermy

Ek sou
Ek wou
Word gekoppel aan berou
Dit is herinneringe van seer wat in die hede vasklou

Verander jou pad
Gaan krap op daai blad
Staan terug, kyk neer op die gemors
In die abstrakte gedig kan mens sien die siel is dors
Vir waarhede wat vasteek in jou bors

Lewe om te strewe
Na dieper versoeke, die tipe bevindings wat jou siel van lekkerte laat bewe
Dit wil gaan dans
Gee die vryheid net ‘n halwe kans
Om jou gedagtes vastevang en te verstom
Dit sal jou siel water gee en jou beddings in die droogte laat blom

Deur
Regardt Belo

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag