Om jou te mag sien
Jy skuil tussen rotse
waar die skadu’s jou verberg,
asof skugter
oor die wonder van jou kleur.
Maar net toe wit skuim
teen oeroud mosselbanke beur
en soutreën (vir ’n oomblik)
teen die uitspansel bly hang…
het skemerson (tersluiks en speels)
jou mooiste tinte
in haar laaste strale vasgevang.
© Carma Shaw
2 Januarie 2019
5:02
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
Maak 'n opvolg-bydrae
Jy moet aangemeld wees om 'n kommentaar te plaas.