Welkom, Besoeker
Welkom, Besoeker

Titel: Foon gepleisterde mombakkies

Deur Jessica Venter
Datum gepubliseer: 7 Oktober 2019 Aantal woorde: 101 188 Kere gelees 6

ons gesiggies weerkaats soos spokies
wit vanuit agter ons skerms
te bang mens mis iets uit
sit ek vasgemessel aan my foon
plak tog net ‘n onsie op gesigblad
om my perfekte lewe in ander se bakkies te vryf

my oë trek skoon vierkantig
oor maroela media se skindernuus
van twee SAL vlugbeamptes
wat hoog tussen die walms vlieg
in hulle staal daggatuig
op hul gerookte trip na Hongkong

ons blompotregering
se kompos is vrot
en kruip ons anoniem weg
agter ons foon gepleisterde mombakkies
die verslawing van ons eeu
steel ons stem, steel ons tyd

©Jessica Venter
4/10/2019
• SAL – Suid-Afrikaanse Lugdiens




TEMAS
2 Kommentaar
  1. morne du preez

    8 Oktober 2019

    Mooi gepen Jessica.

  2. Jessica Venter

    8 Oktober 2019

    Dankie

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 110
Kommentaar telling: 4

Ek is gebore in Pretoria en het daar groot geword. My ma was ‘n enkelouer en het my dus alleen groot gemaak. Ek is al 15 jaar getroud. Ons het twee kinders, ‘n seun, Armand en ‘n dogter, Bianca. Ons bly in Randfontein tussen al die mynhope maar dis my tuiste. Ek het sekretarieël geswot by Randfontein Kollege. My man het sy eie vervoermaatskappy, ek doen al die kantoor werk al vir baie jare. My stokperdjies sluit in lees en skryf. Ek doen ook tans ‘n digterslypskool kursus. My passie vir skryf het eers ‘n paar jaar gelede ontpop. Ek het al drie boeke deur Kwarts Publishers gepubliseer. Hulle is beskikbaar in Bargain Books, op Amazon as e-boek asook op Kwarts Publishers se eie webblad. Ek het ook laas jaar ‘n ses maande kursus in kort verhale voltooi deur Die Skryfbesigheid asook deur Liberty University het ek ‘n kort skryfkursus voltooi aan die hand van Karen Kingsbury. Ek is tans besig met ‘n ses maande kursus in die skryf van Romanse aangebied deur Madelie Human.   Ek help by honde rescue, genaamd The Dachshund Haven. Ek doen elke week al hulle facebook plasings en ek hanteer al hulle admin. 

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

1 Lid, 226 gaste aanlyn

Bydraes – Argief