Gedig sonder naam
En nou dink ek oor dinge meesal ongesê,
nie ongesê omdat dit minderwaardig is,
of minder dieper in betekenis…
Maar omdat dit te heilig is
om selfs in woorde werklikheid te word
Dat ander dit nie kan verstaan,
sonder om te delf en grou en klou
in die verborge betekenis van dieper…
Seer en mensgemaakte eer,
en wrang betekenis daaraan te heg
Kan ek nie eers verwoord normaal,
dit wat ek myself in donker stilte skep en skreeu,
sonder om dit te laat klink…
na ‘n goedkoop hygroman
wat kortstondig kits verligting bring.
Ongesê omdat dit sou afbreek doen
aan alles wat dit ooit moes wees…
in ‘n perfekte lewe as dit was ,
want woorde sou die seepbel bars…
van afwagting, totdat die mộre nooit sou kom.
Want wie weet,mộre mag dalk kom…
© F Jansen van Vuuren
4 Kommentare
-
-
Okatopi
Dankie:-)
-
-
Loretta Szikra
Hierdie is n pragtige skryfsel, en so waar! "Maar omdat dit te heilig is om selfs in woorde werklikheid te word" Dit sê soveel.
-
Okatopi
baie dankie :-)
-
Maak 'n opvolg-bydrae
Jy moet aangemeld wees om 'n kommentaar te plaas.
Palet
Mooi