Gemeenskaplike euwel

Ek is die kind wat in sand en stof skool toe slof
Ek dra die wêreld se tasse op my skof

want ‘n wolf in die bos wat langs die paadjie luier,
is die wolweskaap wat Sondags by ons kuier

Ek is die kind wat reeds roem bereik het,
kortstondig, tot die koerant verbleik het

en ek weer opduik, in nat grond gebaar
verskeur, verwese, in vrees verstar.

Ek is die ma, ek het my kind vermoor
al is die skuldige lankal verhoor

en gevonnis, soos ek, lewenslank
om my daagliks met selfverwyt op te hang

Ons is ma en kind in hierdie Afrika,
wat die wêreld se onheil op ons skouers dra

(rymende koeplette)

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag