Gitsroep na die mooiste ou dans (Silwer)
sou ek vir jou ʼn bietjie lente
op die koue winter vuurtjie kon gooi
ʼn bietjie mooi kon fynstrooi
en bietjie asem inblaas…
tot die dooie punte gloei
in hierdie kaggelvuur
en die klein vlammetjie
aanhelp om te knetter kraak
tot ons stadig kan ou wals
op ou musiek, ou voel, ou mooi
sonder ʼn woord kon hartsakkoord
kon staar in die rooi vlammegeel
wat spookdans teen die donkerstes van die nag
wat gitsroep na die mooiste lenteprag
© Cornien Naudé
24/09/2024
Cornien
Om te skryf is my passie, vir 'n wyle ontvlug ek die gejaag. Kry ek 'n oomblik om te voel, te sien en weer te gee, skepping, harts taal - beleef ek die inner siel van my medemens.
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou bydrae vir September 2024 – OOP projek