Grassade in die wind …

Ons is weldra grassade in die wind
my kind …
bring jou tassies gepak en
sweef saam in onskuld …

Maak wilde draaie in ‘n tolbos
gooi jou worries in die sand …
Plant vrede langs die pad
sit vlinders in jou sak …

Gooi jou hare in die wind
jy laat my dink my kind …
Anker jou hart in geloof
dit wat jy nie kan sien nie …

Droom groter oor die horison
stuur groete met ‘n poskaart …
Olyftakkie in ons duifie se bekkie
Vrede onbeskryflik groot …

Louise Fourie

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag