Heksriel
Geëklipseerd
hang verflenterde
letters aan die notebalk;
bleek gebloei,
tot teerheid gesnoei
opmerkings nonchalant
(met voorgedoende finesse)
word soos cliché’s
rondgestrooi
óm ander omver te gooi
soos ‘n Petrus
trap jy seermaak-spore
met ‘n ontblote kromswaard –
sonder links of regs te kyk
kap jy aan ore van die siel,
dans slu ‘n hekse riel
dan by die driemaal kraai
word ook jou storm gedraai en
kom die besef dat die son
wel ook op ander mag skyn;
en jy kan steeds bestaan
sonder vernyn.
© Anzé Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
3 Kommentare
-
neels
ek hou van die verwysing na Petrus se verloëning
-
Ronel Janse van Vuuren
Wow! Donker op so 'n mooi lente dag... Goed gepen. Hou van die beelde wat jy gebruik.
Maak 'n opvolg-bydrae
Jy moet aangemeld wees om 'n kommentaar te plaas.
Amaspoke
Mooi skrywe, en baie waar woorde!!!