hoe die skadu’s val (Goud)

ek wil laat-aand notas maak

oor die tydloosheid wat kleef

aan elke verbygaande generasie

ek wil teruggaan in tyd

en eenbeentjie speel tussen die vervaagde lyne

van toe-en-nou-en-vergeet-en-onthou

ek wil nooit ophou wonder oor die ritme van tyd nie

dít behoort g’n gemeet te word met die tik van wysters nie

maar met die asem-in-asem-uit van die lewe self

ek wil dink oor tye in my lewe ~

sommige vol lig, ander vol lang-arm skadu’s

en onthou dat skadu nie sonder lig kan bestaan nie

ek wil retories vra…

word lewens gerig

deur hoe flou of fel die lig skyn, of…

deur hoe die skadu’s van tyd oor harte val?

© Elmarie Nienaber Van Kampen, 2025

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag