Hunkering

Hunkering

Op hierdie eiland
tussen mense
in die stil lawaai
van stemmedreun is
gedagtes afgesonder
soos Jerusalem-melaatse
stil
alleen

Die mensgedruis in
lewens-see
spoel soos skuim
wat ritmies brander
op die dagpols
van wêreldklop

My hartsverlange hunker
na ontsnap
en elke sinaps strek
na plat frekwensies
van leë ruimte
waar stilte
oor die veld vibreer

Grootvissie
Februarie 2019