idille (Goud)
laat my lê
in die skadu’s van
baldadige boorde
geseën deur die son
en reën
wat geval het toe dit moes
waar dit drup van die lewe se melk
en heuning immersoet tussen blomblare opdam
laat my wees
waar tyd se gang
tydsaam en moeiteloos
die laaste asem laat gaan het
waar my wese dig oor die heiligheid
om my
wat ontstaan het toe dit moes
om my te laat lê en te laat wees
waar die heuningblomme se tapyt tydloos blom
© Elmarie Nienaber Van Kampen, 2024
3 Kommentare
-
Tearlach
Pragtige vers
-
Elmarie Nienaber Van Kampen
Baie dankie Tearlach, ek is bly jy hou daarvan.
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou bydrae vir November 2024 – OOP projek