Januarie 2018 Projek – Weerbegin en voornemens
En so breek ‘n splinter nuwe jaar aan; ‘n geleentheid vir ‘weerbegin’ en voornemens. Hierdie maand gaan ons met die varsheid van ‘n nuwe seisoen begin en ons daarop toespits om die opdragte interessanter en meer uitdagend te maak.
Vir die digters:
Skryf ‘n Sonnet met net EEN voorskrif. Jou vers moet met die woord ‘NUUT’ eindig.
Vir die storievertellers:
Skryf ‘n verhaal in derde persoon met die tema ‘NUUT’.
Vir die rubriekskrywers:
Skryf ‘n artikel oor enige ‘NUWE’ tegnologiese of mediese uitvinding of ontwikkeling.
Ek maak staat op jou uitsonderlike talent om ‘n treffer inskrywing te lewer.
Voorspoedige 2018
Skryf in Afrikaans, dis die regte ding om te doen!
Laat die woord rol – Skryf in Afrikaans
Groete
Projekbestuurder
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
IronLady
Mooi nuwe jaar vir almal op Ink. Baie dankie die uitdagings is vars, nuut en interessant.