kekkelbek

kekkelbek is terug
soos hy die hark swaai
so saai hy woorde uit sy bek
kwinkslae links en kwinkslae regs
van die a en c tot die dee pee ontgeld
van vanoggend tot vanmiddag saai hy uit
vorder hy met sy werk of los hy probleme op
nouja – net hy sal weet, want die wêreld weet
hy probeer hard aan almal alles te verduidelik
sy taal is krom en sy bek-trek skeef
sy oorpak blink gepars en styf
net sy lippe wapper in wind
wat hy met asemstote
in en uit blaas
op die maat
van kaapse
afrikaans

©Teárlach