Kilogram konka
As kilogram teenstribbel
teen tonne waarheid
van Sy groot Woord bots
in hiperhoë huil-oktaaf
skril ten hemele skree
word dit deur Sy fluister
met stomheid weggevee
As vol konka sonde
druppelsgewys spat
plotsend neerplons
in Sy genade-see
stil die ewig’ honger
deur Brood ontvang
uit Skepper hand gegee
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
6 Kommentare
-
neels
treffende werk Evelyn
-
Evelyn van der Merwe
Opregte dank.
-
-
Amaspoke
Pragtige skrywe
-
Palet
Groot is God se genade.. puik gepen..
-
Evelyn van der Merwe
Dankie vir julle mooi kommentare en wandeling deur my blad, ek waardeer.
Maak 'n opvolg-bydrae
Jy moet aangemeld wees om 'n kommentaar te plaas.
Anze
baie mooi gepen Evelyn