Welkom, Besoeker
Welkom, Besoeker

Titel: KLIPPE SKOP OPPAD HUIS TOE

Deur Louie
Datum gepubliseer: 2 Maart 2016 Aantal woorde: 154 1177 Kere gelees 16

Die ingevoerde gietyster skoolklok dril van lekkerkry
as Meneer aan sy naelstring hang
en ons geleerdheid in meelsakkies verpak
oor ons skouers gooi

Ons ploeg ‘n stofstorm in die optog hek toe op
want Dawid se donkiekar se as
lê soos argiefmateriaal verstrooid op die grondpad
en ons moet huis toe stap
met Bata skoene, Kiwi politoer en klippe skop

“Stop dit!” skree Magriet
as Sandberg se opskopklippe tromme op haar kuite speel
en Sarel se skoenpunte
vermink glimlag met wit bloed strepe

Flooi trap trekkerspore in die donsbaard van die grondpad
terwyl Ore klipgooi na die wit goed op die telefoondrade
en ekke klippe skop en lekker lag

… ek hoop Dawid se donkiekar bly altyd stukkend
wanneer die rooi kuif kapokhaan môre homself wakker skree
en ek my Bata skoene vermooi met Kiwi politoer
terwyl Sarel skree “Dit was nie ek nie Pa!”
en ekke lag vir die klippe skop wat wag




TEMAS
4 Kommentaar
  1. neels

    3 Maart 2016

    laat my so dink aan my laerskooldae in die plaasskool toe ons kaalvoet oor die treinspoor gehardloop het

  2. Anze

    3 Maart 2016

    ai dis mooi en nostalgies, jou beeldspraak is besonders aangewend

    • Louie

      3 Maart 2016

      Dankie. Ek is mal oor beeldspraak skryf. Ek moet dit self eers “sien” om dit oor te dra sodat die leser saam met my kan sien

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 101
Kommentaar telling: 105

Gebore by die see, verlief geraak op die berge / platteland en woon nou in die Vrystaat saam met my vrou Charmaine en dogter Katelyn. Werk ook deeltyds aan my eerste digbundel. Alle hulp en raad sal goud werd wees ...Ag en dan die legal ding: alle regte word voorbehou op geplaaste werke

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

2 Lede, 232 gaste aanlyn

Bydraes – Argief