KATELYN SE LULLABY
Ek vang vir jou ‘n sterretjie my kind
bind hom toe in ‘n moskombersie
en sit hom langs jou kussing neer
Ek steel vir jou ‘n wit ster-stert
en hang hom aan ‘n reënbogie
bokant jou seegras bedjie vir die aand
Ek onderhandel met die maan
‘n straaltjie om te leen
deur die gleufie in jou vensterraam
Ek verlei die vuurvliegies met ‘n nektaarblom
om klein sterretjies teen jou kamermuur te ets
… ek vang vir jou ‘n sterretjie my kind
en vou hom in jou handjies toe
vir jou om teen jou vas te hou
tot môre toe
Louie
Gebore by die see, verlief geraak op die berge / platteland en woon nou in die Vrystaat saam met my vrou Charmaine en 11 maande dogter Katelyn. Was deel van WOES se eerste bundle uitgawe van 2008 onder my tweede naam Gerhard. Vroeg "afgetreë" en hou myself besig met my "kunswerke". Werk ook deeltyds aan my eerste digbundel. Alle hulp en raad sal goud werd wees ...Ag en dan die legal ding: alle regte word voorbehou op geplaaste werke
8 Kommentare
-
-
Louie
Soos altyd dankbaar vir jou kommentaar
-
-
Evelyn van der Merwe
Jy skets die prentjie voorwaar meesterlik vir die geestes-oog. So neurie ek dit in gedagtes saam. Welgedaan.
-
Louie
Dankie, gisteraand gepen net nadat ons haar in die bed gesit het - lyk of sy lekker geslaap het!
-
-
borrels
Kosbaar ...
-
Louie
Danke. Kosbaar net soos ons Katelyn
-
-
Anze
dis die mooiste mooi...
-
Louie
Waardeer altyd jou kommentaar - dankie
-
Maak 'n opvolg-bydrae
Jy moet aangemeld wees om 'n kommentaar te plaas.
neels claasen
dit is nogal n werkie wat mens se aandag boei