Tolbos gedagtes
Krom kartelend op kontoer
van snikhete stil woestyn
huiwer haar enkel voetspore
neffens verbleikte halfmens
ook stadig hier aan’ t kwyn
Maar ver op die horison
wink ‘n spieëlblink oase
laat haar tolbosgedagtes
lui, huiwerend op hittegolf
tornadodraai in ekstase
Gister se dryfsand spore
deur rukwind toegewaai
want geen siel is verlore
as sy Skepper se oase
borrelend Koningkraai
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
6 Kommentare
-
Anze
baie mooi gepen, en soos jou slot se.. By die Skepper se oase sal jy weer borrelend Koningkraai!
-
neels claasen
Evelyn hierdie is n treffer
-
Evelyn van der Merwe
Nederige dankie vir jul goue voetspore hier gelaat, ek waardeer opreg.
-
Louie
Ek sien jou woorde lewe kry. 'n Gunsteling "Maar ver op die horison wink ‘n spieëlblink oase laat haar tolbosgedagtes lui, huiwerend op hittegolf tornadodraai in ekstase"
-
Evelyn van der Merwe
Bly jy het hom geniet.
-
Maak 'n opvolg-bydrae
Jy moet aangemeld wees om 'n kommentaar te plaas.
borrels
Hou veral van jou titel ... tolbos gedagtes ... rol so lekker op die tong.