kloof

haar lippe is verdroog
haar vel in plooie vertrek
oor haar lippe kom daar woorde
“nou is alles verby – dit is volbring”
so kom en gaan mense in lewe
met pyn word hulle gebore
in pyn gaan hulle dood
woorde is maar min
wanneer dié dag kom
soms is dit net ‘n fluistering
laaste asemteug wat vlug
voor groot kloof wat span
tussen lewe en dood
tog skyn daar Lig
anderkant
is daar
hoop

©Teárlach